अर्किड एकेडमी नुवाकोटमा यहाँहरु सबैलाई हार्दिक स्वागत गर्दछु । २०६० सालदेखि बिद्यालय ब्यबस्थापन समितिको अध्यक्षको भूमिकामा रहि यथासक्य योगदान गर्न पाउँदा अत्यन्त खुसी पनि छु । शिक्षा क्षेत्र अत्यन्त मर्यादित क्षेत्र हो । यसमा संलग्न सबै पक्ष मर्यादित, अनुशासित र कर्तब्यनिष्ट हुनु पर्दछ । तब मात्र एक शिक्षण संस्था सदैव प्रगती र उन्नतीको मार्गमा अगाडि बढ्न सक्छ । विशेष गरि संस्थामा कार्यरत संस्थापकहरु, शिक्षक कर्मचारीहरु र अभिभावकहरुको टिम स्पिरिट रहन सक्यो भने मात्र उचित शैक्षिक वातावरण कायम हुन सक्छ । यहि कुरालाई हृदयङ्गम गरि हामीले पनि यस स्कूलमा शैक्षिक वातावरण कायम गर्ने प्रयास गरेका छौं । यसैको फलस्वरुप यहाँ अध्ययनरत विद्यार्थीहरुले यस स्कुलबाट दिईएको एस्.ई.ई. परीक्षामा र उच्च शिक्षा अध्ययनमा समेत उत्कृष्ट नतिजा हासिल गर्न सफल भएका छन् । यसको श्रेय यहाँ कार्यरत प्रिन्सिपल, भाइस प्रिन्सिपल, मेनेजिङ डाइरेक्टर, संस्थापकहरु, शिक्षक कर्मचारीहरु र हामीलाई उचित सल्लाह र सुझाव दिनुहुने अभिभावक एवं शुभ चिन्तकहरुलाई जान्छ । म यहाँहरु सबै प्रति हार्दिक धन्यवाद एवं आभार प्रकट गर्न चाहन्छु । आगामी दिनमा यस संस्थाको उन्नति र प्रगतिकोलागि आफ्नो तर्फबाट गर्नु पर्ने प्रयास जारी रहने वचनवद्धता पनि ब्यक्त गर्न चाहन्छु । सम्पुर्ण अभिभावक वर्गमा यहाँहरुले गर्नु भएको विश्वास प्रति कृतज्ञता जाहेर गर्दछु । आगामी दिनमा पनि यहाँहरुको साथ, सहयोग र समर्थनको अपेक्षा गरेको छु । धन्यवाद ।
ज्ञान भक्त श्रेष्ठ
अध्यक्ष
No comments:
Post a Comment